Balajar Dari Yesus pung Sambayang di Kabon Getsemani
Bacaan Firman Lukas 22 : 39 – 46
Kupang - www.jgmittubutuan.com - Basudara samua katong tentu tau bahwa Yesus sambayang di kabon
Getsemani itu suatu pergumulan yang berat pung, yang Dia rasa di Dia pung hidup
sebelum dong salipkan Dia. Dimana Dia sebagai manusia seperti katong pasti merasa
menderita. Apa lai Dia sampe bardoa tiga kali dengan Do’a yang sama: “Bapa
manis! Kalo Bapa satuju, na, Beta sonde usa tanggong ini sangsara. Ma jang iko
Beta pung mau; biar iko Bapa pung mau sa.” (Matius 26: 39). Ini kata-kata sepertinya
dia pung arti talalu dalam tentang pengadilan dan penghukuman atas katong
manusia pung dosa. Itu dosa-dosa dong harusnya katong yang tanggong ma Bapa
Manis yang di Surga akhirnya kasi turun di Tuhan Yesus yang tanggong samua. Inilah
Tuhan Yesus pung bargumul sebelum dong tangkap dan salipkan Dia.
Setelah katong baca-baca, ada 3 hal yang bisa katong balajar dari Yesus pung Do’a di Kabon Getsemani:
#Do’a Biking Katong Kuat
Coba katong liat di Matius 26: 38,” Beta pung hati ada susa mo mati! Beta rasa tingka ke
Beta su mau mati sa…” tamba juga di situ Firman Tuhan ada bilang; Dia pung
karingat sama ke titik-titik darah. Basudara samua itu artinya sebagai manusia
Dia ju punya rasa takut ke katong.
Na dalam keadaan su seperti itu ju, Yesus sonde pernah ondor dari
kenyataan. Tapi Dia hadapi dengan bardo’a. Pada waktu Dia angkat Do’a; Bapa
Manis di Surga kirim malaikat kas kuat Dia (Lukas 22 : 43).
Katong sadar basudara samua, bahwa dalam katong pung idup beriman ini,
katong selalu dapa masala dan hidup yang sulit. Ada diantara katong bilang “parsetan
su biar mo jadi apa na jadi su..” menyerah dan lari ke banyak hal yang son bae.
Tapi hari ini katong belajar dari Tuhan Yesus, waktu Dia hadapi ketakutan, Dia
son lari pi mana-mana, tapi Dia hadapi Dia pung rasa takut dengan bardo’a. Karna
itu waktu katong bardoa, di situ Tuhan kas kuat katong untuk bisa hadapi rasa
takut dan katong pung masalah hidup.
#Do’a son paksa katong pung mau kepada Tuhan Allah (Luk. 22: 42)
“Papa! Kalo Papa mau, na, angka buang jao-jao ini sangsara dari Beta.
Ma jang iko Beta pung mau; biar iko Papa pung mau sa.” (Ayat 42). Artinya Yesus
son paksa Dia pung mau untuk Bapa di Surga iko. Sebagai manusia Dia rasa banyak
sakit, maka Dia pun sorong Dia pung permintaan dengan rendah hati kepada Bapa.
Dari Yesus pung do’a itu katong dapa balajar dari situ. Bahwa kalo katong bardo’a dan minta kepada Tuhan jangan pake katong pung mau, tapi pake Tuhan pung mau. Sama ke di Yakobus 4:15 ada bilang “Kalo Tuhan sayang, na, biar ko kotong idop. Deng kalo Tuhan mau, biar ko kotong bisa bekin bagini.” Artinya katong selalu serahkan kekuasaan penuh yang kasi keputusan yaitu Tuhan pung mau. Nah! Kalo bagitu sebagai orang Karisten katong harus tau Tuhan pung mau dalam katong pung hidup. Artinya selalu kita menyerahkan kekuasaan penuh yang memberikan keputusan yaitu kehendak Tuhan. Nah, untuk itu sebagai orang Kristen kita harus tahu apa kehendak Tuhan dalam hidup kita.
#Do’a jaga katong supaya sonde kena pencobaan (Luk. 22:40)
“Bosong musti sambayang ko biar bosong jang kaná coba'an.” (ayat 40).
Yesus baomong ini bahasa ulang-ulang
berapa kali. Sambayang biar jang kena cobaan. Artinya bardoa bisa dapat
parlindungan, kasi kuat katong, jadi benteng dari musu, bisa cepat rasa deng
keadaan dan buat katong sonde cepat menyerah. Coba liat, Tuhan Yesus su kasi
bukti: Waktu Dia alami pengalaman yang biking rasa takut, Dia sambayang/bardo’a
sungguh-sungguh buat Dia menjadi kuat menghadapi kematian, sehingga Dia
dimuliakan oleh Bapa Manis dari Surga.
Trus karmana deng Simon Petrus, Yakobus, Yohanes yang sonde sambayang
pada waktu itu. Dong lari ketakutan saat Yesus ditangkap. Apa lai sampe
menyangkal Tuhan tiga kali sebelum itu ayam kokoreok. Itu karna dong sonde ame
waktu sambayang bersama Yesus, akhirnya dong kena pencobaan. (by:jtadmin)
